प्रधानमन्त्रीको बेसार सम्बन्धि भ्रम वा सत्यता ?

प्रधानमन्त्रीले बारम्बार बेसार , तातोपानी पिउने सल्लाह दिदै आइरहेका छन । पछिल्लो पटक राष्ट्रिय सभामा सांसदहरुले विनियोजन विधेयकमाथि उठाएका प्रश्‍नको जवाफ दिने क्रममा प्रम ओलीले वेसार कस्तो बेला प्रयोग गर्ने कस्तो बेला प्रयोग नगर्ने भन्ने सुझाव दिएका थिए । उनले भनेका कति कुराहरु अनुसन्धानकै क्रममा रहेका छन भने कति कुराहरमा चिकित्सक तथा विज्ञहरुको आ आफ्नो धारणा रहेको छ । प्रधानमन्त्रीले यस्तो जोखिम अवस्थामा आफै चिकित्सक भएजस्तै धारणा दिनु सहि भन्ने र गलत भन्नेको पानि आ आफ्नै तर्क वितर्क छन । यस बारेमा कहा के के भनिएका छन भनेर केहि खोज्ने प्रयास गरेको छु । बुझेको सबै कुरा समेट्न सकिएका छैन । कुरा अपुरो भए र नबुझीए पाठकहरुलाई स्व अध्ययन गरी आफु सजग हुन अनुरोध साथ प्रधानमन्त्री केपी ओलीले बेसार सम्बन्धमा गरेका चर्चा र त्यसको उत्तर दिने प्रयास गरेको छु ।

गर्भवती महिलाले बेसार खान हुदैन

मेडिकल न्युज टुडेले प्रकाशन गरेको के गर्भावस्थामा बेसार सुरक्षित छ? शिर्षकको जानकारी मुलक लेखमा गर्भवती महिलाले खाना तथा अन्य खाने कुरामा थोरै मात्रामा बेसारको प्रयोग गर्न सुरक्षित हुने कुरा बताएको छ । औषधिको मात्रामा अत्यधिक प्रयोग गर्भवती महिलाको लागि घातक रहेको पनि सो लेखमा बताइएको छ । बेसारमा पाइने मुख्य तत्व कर्क्युमिनको ठूलो मात्रा लिनाले शरीरमा हार्मोन एस्ट्रोजेनको तहमा परिवर्तन गर्न सक्दछ, जसले गर्भाशय संकुचन वा रक्तस्राव निम्त्याउन सक्छ भनेर त्यहा उल्लेख गरिएको छ । मैले पढेको लेखहरुमा चिकित्सकले गर्भावस्थामा बेसार प्रयोग गर्ने नहुने भनेको पाइन तर अत्यधिक प्रयोग गर्नु हानिकारक रहेको पनि बताइएको छ । जण्डिस रोग विशेषज्ञ डा. सुधांशु केसीले बीबीसीसंग कुरा गर्दै हामीले तरकारी पकाउँदा बेसारको प्रयोग गर्ने हो, त्यो सुत्केरीले पनि खान हुन्छ भनेका छन ।